შემადგენლობა: თითოეული ამპულა აქტიური ნივთიერების სახით შეიცავს: ნატრიუმის დიკლოფენაკი 75 მგ. დამხმარე ნივთიერებები: პროპილენგლიკოლი, ნატრიუმის მეტაბისულფიტი, ბენზილის სპირტი, მანიტოლი, ნატრიუმის ჰიდროქსიდი, ქლორწყალბადმჟავა, საინექციო წყალი.
ფარმაკოთერაპიული ჯგუფი: არასტეროიდული ანთების საწინააღმდეგო და ანტირევმატული საშუალებები. ძმარმჟავას წარმოებულები.
ჩვენებები: რევმატოიდული ართრიტი, მაანკილოზებელი სპონდილიტი, ბეხტერევის დაავადება, სპონდილოართრიტები, სპონდილოართროზები, ოსტეოართროზი; ტკივილის სინდრომი ხერხემლის მხრივ; სახსრის ირგვლივი რბილი ქსოვილების რევმატული დაავადებები; მწვავე პოდაგრული ართრიტი; ნევრალგია; პირველადი მენსტრუალური ციკლის დარღვევა, საშვილოსნოს და საშვილოსნოს მილების ანთება, ცხელება ლორ-ორგანოების ინფექციურ-ანთებითი დაავადებების დროს; ტრავმისა და ოპერაციის შემდგომი ტკივილი ანთებისა და შეშუპების თანხლებით; შაკიკი; თირკმლის და ნაღვლის კოლიკა.
დოზირება და მიღების წესი: დოზირებას და მკურნალობის ხანგრძლივობას ადგენს მკურნალი ექიმი დაავადების სიმძიმისა და თავისებურებების გათვალისწინებით. ხსნარი გამოიყენება ამპულის გახსნისთანავე. კუნთშიდა ინექცია - 75 მგ დღე-ღამეში დუნდულა კუნთის გარეთა ზედა კვადრანტში. მძიმე შემთხვევებში დოზა შესაძლოა გაიზარდოს 2 ინექციამდე, დღეში. ინექციებს შორის საჭიროა რამდენიმე საათიანი ინტერვალის დაცვა. საერთო სადღეღამისო დოზამ პირველ დღეს არ უნდა გადააჭარბოს 175 მგ-ს. ვენაში ინფუზია - არ შეიძლება ერთბაშად ხსნარის ვენაში შეშვება. პრეპარატი უნდა განზავდეს ნატრიუმის ქლორიდის 0.9%-იან ან დექსტროზას 5%-იან ხსნარში. არ შეიძლება ხსნარის გამოყენება თუ მასში შეიმჩნევა კრისტალები ან ნალექი. ზომიერი და მძიმე ოპერაციის შემდგომი ტკივილის სამკურნალოდ - 75 მგ უწყვეტად შეიყვანება ვენაში 30 წუთიდან 2 საათამდე. დოზა არ უნდა აღემატებოდეს 150 მგ ნებისმიერი 24 საათის განმავლობაში.
უკუჩვენებები: მომატებული მგრძნობელობა დიკლოფენაკის ან პრეპარატის შემადგენელი რომელიმე კომპონენტის მიმართ; კუჭისა და 12-გოჯა ნაწლავის წყლულოვანი დაავადება; ოპერაციის შემდგომი სისხლდენების, სისხლის ჰიპოკოაგულაციის, ჰემოსტაზის და ჰემოპოეზის დარღვევების ან თავის ტვინის სისხლდენების განვითარების მაღალი რისკი; ოპერაციის შემდგომი ტკივილის მკურნალობა აორტოკორონარული შუნტირების შემდგომ; ორსულობის III ტრიმესტრი; 18 წლამდე ასაკი.
ორსულობა და ლაქტაცია: არ გამოიყენება ორსულობის III ტრიმესტრში. I და II ტრიმესტრში პრეპარატის მიღებამდე უნდა მიემართოს ექიმს.
შენახვის პირობები: ინახება არა უმეტეს 25C ტემპერატურაზე, ბავშვებისათვის მიუწვდომელ ადგილას.
